Bu gün şəhid Azad Abbasovun doğum günüdür.
Azad Novruz oğlu Abbasov 6 iyul 1977-ci ildə Göygöl rayonunda anadan olub. 1992-ci ildə Gəncə şəhər 7 nömrəli tam orta məktəbi bitirib. 1992-1995-ci illərdə təhsilini 2 saylı Peşə liseyində (indiki Sənaye və Texnologiyalar üzrə Gəncə Dövlət Peşə Təhsil Mərkəzi) davam etdirib.
1995-ci ildə Səfərbərlik və Hərbi Xidmətə Çağırış üzrə Dövlət Xidmətinin Gəncə Şəhər Kəpəz Rayon Şöbəsindən həqiqi hərbi xidmətə çağırılıb. Sonra MAHHX HQ kimi fəaliyyətini davam etdirib.
Vətən müharibəsi zamanı xidmət etdiyi hərbi hissənin tərkibində ölkəmizin ərazi bütövlüyü uğrunda gedən döyüşlərə qatılıb, Kəlbəcər rayonu istiqamətində vuruşub.
Azad Novruz oğlu Abbasov 29 sentyabr 2020-ci il tarixində Murovdağ istiqamətində gedən döyüşlərdə şəhidlik zirvəsinə ucalıb. 19 dekabr tarixində isə Gəncə şəhərinin Şəhidlər xiyabanında dəfn edilib.
