Gəncədə şəhid övladları ilə görüş baş tutub.
Gencexeber.az şəhər İcra Hakimiyyətinə istinadən məlumat verir ki, şəhər rəhbəri Niyazi Bayramov birinci sinfə gedən şəhid övladları ilə görüşüb. Tədbirdə icra başçısı ilə yanaşı YAP Gəncə şəhər təşkilatının sədri Bayram Aslanov, İcra Hakimiyyəti başçısı Aparatının və Gəncə-Daşkəsən Regional Təhsil İdarəsinin məsul əməkdaşları, o cümlədən şəhid ailələri iştirak ediblər.
Niyazi Bayramov şəhidlərin məktəbli övladlarını yeni tədris ilinin başlanması münasibətilə təbrik edib, onlara uğurlar arzulayıb. Həmçinin onlara məktəbli formaları təqdim olunub.
