Gəncədə piyada səkilərindən biri “zəbt” olunub. Bu haqda Gencexeber.az-a 8 iyul tarixində məlumat daxil olub.
Bu hal şəhərin Atatürk prospektində təkər təmiri sexinin yanında müşahidə olunur. Piyada səkisinə şinlər yığılıb. Sakinlər bundan narahat olduqlarını bildirirlər. Onların sözlərinə görə, buradan keçmək üçün avtomobil yoluna düşməli olurlar.
“Səkidə keçmək üçün dar cığır qalıb. Demək olar ki, bütün piyada yolu zəbt olunub”, - deyə sakinlər qeyd ediblər.
