Şəmkirdə yol-nəqliyyat hadisəsi baş verib.
APA-nın verdiyi məlumata əsasən, qəza Gədəbəy-Şəmkir avtomobil yolunun Yasamal adlanan ərazisindən keçən hissəsində qeydə alınıb.
"KAMAZ" markalı yük maşını hərəkətdə olan zaman idarəetmədən çıxaraq dərəyə aşıb. Nəticədə sürücü və onun sərnişini xəsarət alaraq xəstəxanaya yerləşdiriliblər.
Xəsarət alanlar Gədəbəy rayon sakinləri 35 yaşlı R. və 38 yaşlı O.Məmmədovdur. Onların vəziyyətinin orta ağır olduğu bildirilir.
Faktla bağlı araşdırma aparılır.
