Gəncə Beynəlxalq Xəstəxanasında həkim tərəfindən maarifləndirici təqdimat keçirilib. Bu haqda 27 aprel tarixində Gəncə Beynəlxalq Xəstəxanasına istinadən xəbər veririk.
Xəstəxananın baş həkimi Doktor Tural Əfəndiyev tərəfindən “Elektron Resept” sistemi ilə bağlı reseptlə işləyən həkimlərlə maarifləndirici görüş baş tutub. Tədbir “Səhiyyə Sisteminin Transformasiyası Çərçivəsində Əczaçılıq Sektorunun Rəqəmsallaşdırılması” layihəsinə keçidlə bağlı təşkil edilib.
Qeyd edək ki, elektron resept sistemi həkim, pasiyent və əczaçılar üçün bir platforma üzərindən reseptlərin idarə olunması məqsədilə hazırlanan bir sistemdir. Eyni zamanda vətəndaşın sağlamlıq tarixçəsi ilə bağlı müfəssəl məlumatları, xəstəliklər və müasir müalicə üsullarını vahid rəqəmsal platforma üzərində birləşdirərək bütün tibb müəssisələri üçün onlayn formatda əlçatanlığı təmin edəcək.
