Göygöl Rayon İcra Hakimiyyətində növbəti vətəndaş qəbulu keçirilib.
Gencexeber.az İcra Hakimiyyətinə istinadən xəbər verir ki, görüş zamanı şəhid ailələri, qazilər və müharibə iştirakçılarının müraciətləri növbədənkənar dinlənilib, digər vətəndaşlar isə növbəlilik əsasında qəbul ediliblər.
Vətəndaşlar tərəfindən edilən müraciətlər əsasən məşğulluq, fərdi yaşayış evinin tikintisi üçün torpaq sahəsinin ayrılması, maddi köməkliyin göstərilməsi, yaşadığı evin təmir olunmasına köməklik göstərilməsi, eləcə də digər sosial müdafiə məsələləri ilə bağlı olub.
