Gəncədə kanalizasiya xətlərinin partlaması sakinlərin ciddi narazılığına səbəb olub.
Gencexeber.az xəbər verir ki, Yeni Gəncə qəsəbəsi, 2-ci mikrorayon, B.Məmmədov küçəsində yerləşən altı çoxmənzilli binanın həyətində, 2 nömrəli binanın qarşısında kanalizasiya xətti partlayıb. Sakinlərin sözlərinə görə, məsələ ilə bağlı dəfələrlə "Azərsu" ASC-yə şikayətlər edilsə də, indiyədək heç bir təmir işləri aparılmayıb.
Oxşar problem Fərhad Əliyev küçəsində də müşahidə olunur. Sakinlərin sözlərinə görə, oradakı kanalizasiya sistemi qəzalı vəziyyətdədir. İki gündən bir daşan çirkab suları küçələri bürüyür, üfunət və gölməçələr ətraf mühiti dözülməz hala gətirir.
Sakinlər məsələ ilə bağlı aidiyyəti qurumlardan təcili tədbirlər görülməsini tələb edirlər.
