Gəncə şəhərində 2025-ci ilin yanvar-sentyabr aylarında nəqliyyat, informasiya və rabitə sahələrində artım qeydə alınıb.
Gencexeber.az-a Gəncə Şəhər Statistika İdarəsindən verilən məlumata görə, hesabat dövründə nəqliyyat sektorunda fəaliyyət göstərən müəssisə və fiziki şəxslər tərəfindən 4,0 milyon ton yük, 76,3 milyon sərnişin daşınıb. Bu göstəricilər 2024-cü ilin müvafiq dövrü ilə müqayisədə müvafiq olaraq 6,4 faiz və 6,6 faiz çoxdur.
İnformasiya və rabitə sahəsində də artım qeydə alınıb. Belə ki, 2025-ci ilin yanvar-sentyabr aylarında göstərilən informasiya və rabitə xidmətlərinin həcmi ötən ilin eyni dövrü ilə müqayisədə 15,5 faiz artaraq 6,7 milyon manat təşkil edib.
