Gəncə Dövlət Universiteti tələbələrinin Dövlət Arxivinin Gəncə filialında ekskursiyası təşkil edilib. Bu haqda 23 may tarixində Milli Arxiv İdarəsinə istinadən xəbər veririk.
Ekskursiyada Tarix-coğrafiya fakültəsinin 4-cü kurs tələbələri iştirak ediblər. Filialın direktoru Eleonora Süleymanova tələbələri arxiv işinin təşkili, sənədlərin mühafizəsi, qeydiyyatı, komplektləşdirilməsi, istifadəsi, informasiya təminatı və rəqəmsallaşdırılması üzrə görülən işlər və müvafiq normativ hüquqi aktların tələbləri haqqında məlumatlandırıb.
Tədbir zamanı universitetin ümumi tarix kafedrasının müəllimi Ramin Abbasovun iştirakı ilə keçirilən ekskursiyada arxiv sənədlərinin tarixi proseslərin öyrənilməsində xüsusi əhəmiyyəti qeyd edilib. Daha sonra tələbələr sənədlərin mühafizə şəraiti, mühafizəxanaların iş rejimi ilə yaxından tanış ediliblər, onların suallarını cavablandırılıb.
