Gəncədə mübadilə proqramının ilk mərhələsi başa çatıb. Bu haqda 5 iyun tarixində GDU-ya istinadən məlumat veririk.
Dokuz Eylül Universitetinin əməkdaşları ikili diplom proqramı çərçivəsində təcrübə mübadiləsi üçün Gəncə Dövlət Universitetinə gəliblər. GDU-nun rektoru Yusif Yusibov Dokuz Eylül Universitetinin professoru Kerem Canlı və dosent Ergin Şahinlə görüş keçirib. O, 2 həftə ərzində təcrübə mübadiləsində fəal iştirak etdiklərinə görə türkiyəli müəllimlərə təşəkkürünü bildirib.
Qonaqlar onlara göstərilən diqqəti, müəllim və tələbələr üçün yaradılan şəraiti və tədris prosesinin təşkilini yüksək qiymətləndiriblər. Görüş zamanı iki universitet arasında gələcək əməkdaşlıq imkanları müzakirə edilib.
