Gəncədə keçmiş məzunların görüşü baş tutub. Bu haqda 11 iyul tarixində GDU-ya istinadən məlumat veririk.
Gəncə Dövlət Universitetinin Filologiya fakültəsinin məzunları (1978-1982-ci illər) 41 il sonra doğma təhsil ocağında yenidən görüşüblər. Tədbir 2-ci korpusun akt zalında baş tutub. Universitetin Humanitar məsələlər üzrə prorektoru Gülsüm Fətəliyeva ali təhsil ocağının rəhbərliyi adından keçmiş məzunları salamlayıb, son illərdə GDU-da əldə edilən yeniliklər və qazanılan uğurlar barədə məlumat verib.
Qonaqlar tələbəlik illəri barədə xoş və kövrək xatirələrini bölüşüblər, tədbirin təşkilinə dəstək verən GDU-nun rəhbərliyinə dərin təşəkkürlərini bildiriblər. Məzunlar universitetdə qazanılan uğurlara görə fəxr etdiklərini vurğulayıblar.
Sonda xatirə fotosu çəkilib.
