Gəncə şəhər 1 saylı Vəkil Bürosunun vəkilinin iştirakı ilə tədbir keçiriləcək. Bu haqda 14 avqust tarixində GİKM-in Gəncə-Daşkəsən regional nümayəndəliyinə istinadən xəbər veririk.
Gənclərin hüquqi biliklərinin və hüquqi savadlılığının artırılması məqsədilə infosessiya təşkil olunacaq. "Gənclər üçün hüquqi savadlılıq" mövzusunda olacaq toplantıda 1 saylı Vəkil Bürosunun vəkili Səadət Seyidli tərəfindən gənclərə hüquqları və vəzifələri barədə məlumat veriləcək.
İnfosessiyada iştirak edən şəxslər hüquqi məsələlərlə bağlı suallarını ekspertə ünvanlaya biləcəklər. Tədbir 16 avqust saat 11:00-da "BookZone" kitab evində təşkil ediləcək. Qatılmaq istəyənlər linkə daxil olaraq qeydiyyatdan keçməlidirlər.
Görüş Azərbaycan Respublikasının Gənclər Fondu, Azərbaycan Respublikasının Vəkillər Kollegiyası və Gənclərin İnkişaf və Karyera Mərkəzi tərəfindən təşkil olunacaq.
