Gəncədə infosessiya baş tutub. Bu haqda 19 avqust tarixində Gənclərin İnkişaf və Karyera Mərkəzinə istinadən xəbər veririk.
"Gənclər üçün hüquqi savadlılıq" layihəsi çərçivəsində ilk infosessiya keçirilib. Tədbir Vəkillər Kollegiyasının üzvü, 1 saylı Vəkil Bürosunun vəkili Səadət Seyidli tərəfindən aparılıb. Burada gənclər hüquqları və vəzifələri haqqında ətraflı məlumat əldə ediblər.
İnfosessiyada, həmçinin hüquqi məsələlərlə bağlı iştirakçıların sualları cavablandırılıb.
Qeyd edək ki, gənclərin hüquqi biliklərinin artırılması məqsədilə keçirilən layihə Gənclər Fondu, Vəkillər Kollegiyası və Gənclərin İnkişaf və Karyera Mərkəzi tərəfindən təşkil edilib.
