Gəncədə gənclər üçün təlim baş tutacaq. Bu haqda 18 iyul tarixində Gənclər Evinə istinadən məlumat veririk.
“Əylən, öyrən, inkişaf et!” layihəsi Nizami yurduna gəlir. Təlim 20 iyul saat 11:00-da Gəncə Gənclər Evində təşkil olunacaq. Təlimçi qismində “safavy.org” onlayn təhsil platformasının icraçı direktoru, Azərbaycan Dövlət İqtisad Universitetinin müəllimi Könül Quliyeva iştirak edəcək. Burada “Şəxsi inkişaf bacarıqları nədir?”, “Necə inkişaf etdirilməlidir?”, “Bu bacarıqlar niyə lazımdır?” kimi suallara cavab tapılacaq və müzakirələr aparılacaq.
Tədbirdə iştirak ödənişsizdir. Təlim Gəncə şəhəri və ətraf rayonlarda yaşayan gənclər üçün nəzərdə tutulub. Yerlər məhduddur.
İştirak üçün qeydiyyat keçmək mütləqdir. Seçilmiş gənclərlə təlimdən öncə əlaqə saxlanılacaq.
Qeydiyyat linki: https://forms.gle/ojio29QoJ7nswrWs9.
