Gəncədə yeni layihə start götürüb. Bu haqda 13 iyul tarixində Gənclər və İdman Baş idarəsinə istinadən məlumat veririk.
“Qafqazı kəşf et - 10 il sonra: Qafqazda gənclər sektorunu araşdıran təhsil səfəri” layihəsi "Gələcəyə Körpü" Gənclər Birliyinin ev sahibliyi ilə təşkil olunur. Məqsəd təhsil, iştirak və əməkdaşlığa, gənclər mərkəzli yanaşmaya fokuslanan, yerli və beynəlxalq gənclərin maraqları ilə idarə olunan, gənclərin rəhbərlik etdiyi icma inkişafı üçün transmilli tərəfdaşlıqları və beynəlxalq əməkdaşlığı təşviq etməkdir.
Layihə çərçivəsində Gəncə Gənclər Evində yerli və əcnəbi iştirakçılarla növbəti panel müzakirəsi təşkil olunub. Tədbirdə Gəncə-Daşkəsən Regional Gənclər və İdman idarəsinin rəisi İntiqam Hüseynov gənclərə öz gənclik potensiallarından səmərəli istifadə edərək, gənclər siyasətinin həyata keçirilməsində fəal olmağı tövsiyə edib.
Qeyd edək ki, layihəyə 15 dövlətdən 31 gənc qatılıb.
