Gəncədə ekologiyaya dəstək olmaq məqsədilə aksiya keçirilib. Bu haqda 27 mart tarixində Gəncə Gənclər Evinə istinadən xəbər veririk.
Gənclər Evi işıqlarını söndürərək “Yer saatı” ekoloji aksiyasına qoşulub. “Yer Saatı” Ümumdünya Təbiət Fondu tərəfindən təşkil edilən ümumdünya hərəkatıdır. Tədbir hər il keçirilir, fərdləri, icmaları və müəssisələri bir saat ərzində, 20:30-dan 21:30-a qədər qeyri-vacib elektrik işıqlarını söndürməyə təşviq edir.
Aksiya çərçivəsində binaların fasad işıqları söndürülərək iqlim dəyişikliyinə və ekoloji fəsadlara diqqət cəlb edilir.
Qeyd edək ki, Azərbaycan “Yer saatı” kampaniyasına rəsmi olaraq 2011-ci il martın 26-da qoşulub. Kampaniya ölkəmizdə İDEA İctimai Birliyi tərəfindən həyata keçirilir.
