Gəncədə direktor vəzifəsində vakansiya yaranıb. Bu haqda 20 iyul tarixində Gənclər və İdman Nazirliyinə istinadən məlumat veririk.
Bir müddət öncə Olimpiya İdman Kompleksinin direktorunun Gəncə-Daşkəsən Regional Gənclər və İdman idarəsinə rəis təyin olunması barədə məlumat vermişdik. Bu əmrdən sonra kompleksdə direktor vəzifəsi boş qalıb.
Namizədlərdən ali təhsil, minimum 5 il iş stajı tələb olunur. 55 yaşadək şəxslərin müraciətləri dəyərləndiriləcək.
Maraqlanan şəxslər https://bit.ly/36pHHjZ CV formasını doldurmalıdırlar. CV-də və “mövzu” bölməsində iddia edilən vəzifənin adı qeyd olunmalıdır və sənəd Azərbaycan dilində tərtib edilməlidir.
Bildirilib ki, CV forması aydın şəkildə, tam doldurulmayan və qeyd edilən tələblərə cavab verməyən namizədlərin sənədlərinə baxılmayacaq. İdarəetmə və idman sahəsində iş təcrübəsi olan, eləcə də yaxın ərazilərdən müraciət edən şəxslərə üstünlük veriləcək.
CV, şəxsiyyət vəsiqəsinin surəti və ali təhsil haqqında diplomun surəti elan@mys.gov.az elektron poçt ünvanına göndərilməlidir. Son müraciət tarixi 20 iyul saat 12:00-dəkdir.
Əlavə məlumat üçün (012) 465 65 72 telefon nömrəsi ilə əlaqə saxlamaq olar.
