Gəncədə bir sıra küçələr təmizlənib.
Gencexeber.az Mənzil Kommunal Təsərrüfatı İstehsalat Birliyinə istinadən məlumat verir ki, qurumun qüvvə və texnikası vasitəsilə bu dəfə şəhərin Mobil Əhmədov, Xanlar və Ömər Faiq küçələrində genişmiqyaslı təmizlik aksiyası həyata keçirilib.
MKTİB-nin Ərazi Xidmət Sahələrinin əməkdaşlarının da cəlb olunduğu işlər zamanı ərazidən keçən arx plastik kütlələrdən və digər tullantılardan, adıçəkilən küçələr isə kol-kosdan, alaq otlarından və xəzəldən təmizlənib. Birliyin texnikası vasitəsilə yol ətrafına yığılan məişət tullantılarının ərazidən daşınması təmin edilib.
