Gəncə Dövlət Kukla Teatrı 39-cu teatr mövsümünü Şuşa şəhərində yerləşən Bülbülün ev muzeyində Üzeyir Hacıbəylinin “Məşədi İbad” tamaşası ilə açıb.
Gencexeber.az bildirir ki, kuklaçılar səfər zamanı ilk olaraq Ağdam şəhərində yenidən bərpa edilmiş məscidi və sadəcə üç sütünü qalan Ağdam Dövlət Dram Teatrının binasını ziyarət ediblər.
Tamaşadan sonra Gəncə Dövlət Kukla Teatrının direktoru, respublikanın əməkdar artisti Fərmail Paşayev Bülbülün Şuşadakı ev müzeyinin direktoru Ülviyyə Hüseynovaya, muzeyin kollektivinə və Şuşalı tamaşaçılara təşəkkürünü bildirib.
Qeyd edək ki, “Məşədi İbad” tamaşasının qurluşçu rejissoru Azərbaycanın əməkdar artisti, Estoniyada fəaliyyət göstərən “Avşar” kukla teatrının yaradıcısı Rauf Avşar, bədii tərtibatçısı Xatirə Avşarovadır. Tamaşada əsas rolları Səməd Xanəhmədov,Elmar Vəliyev, Nərmin Şərifova, Zülfiyyə Əliyeva, Nahidə Namazova və Yeganə Məmmədova ifa ediblər.
[modula id="65234"]
