Gəncə KOB İnkişaf Mərkəzi (KOBİM) sakinləri "Biznes planlaşdırması: A-dan Z-yə uğurlu biznes planı hazırlama" və "Komanda idarəetməsi: Layihə komandasının effektiv idarə olunması" mövzularında maarifləndirəcək.
Gencexeber.az Mərkəzə istinadən məlumat verir ki, qurum tərəfindən təşkil ediləcək birinci təlim sentyabrın 25-i saat 10:00-da, ikinci təlim eyni gün 14:00-da olacaq. Təlim zamanı KOBİM-in peşəkar eksperti Malik Əmirxanov aşağıdakı mövzulardan danışacaq:
- Biznesin planlaşdırılması;
- Biznesin xronologiyası;
- Düzgün komanda idarəetməsinin biznesin inkişafına təsiri;
- Komanda idarəetmə metodları.
İştirak etmək üçün (051) 919-60-84 nömrəsi ilə əlaqə saxlamaq və ya gence@kobim.az elektron poçt ünvanına müraciət etmək mümkündür.
