Gəncə KOB İnkişaf Mərkəzi (KOBİM) tərəfindən "Zamanın idarə edilməsi: Effektiv vaxt planlama texnikaları" və "Konfliktlərin idarə edilməsi" mövzularında maarifləndirici təlimlər keçiriləcək.
Gencexeber.az Mərkəzə istinadən məlumat verir ki, qurum tərəfindən təşkil ediləcək birinci təlim sentyabrın 25-i saat 10:00-da, ikinci təlim eyni gün 16:00-da olacaq. Təlim zamanı KOBİM-in peşəkar eksperti Malik Əmirxanov aşağıdakı mövzulardan danışacaq:
- Zamanın idarə edilməsi nədir və necə baş verir?
- Effektiv zaman idarəedilməsinin dvidendləri.
- Zamanımızı necə bölək?
- Konfliktlərin idarə olunması metodları.
- Konfliktlərə yanaşmalar.
Təlimlərə qatılmaq üçün (051) 919-60-84 nömrəsi ilə əlaqə saxlamaq və ya gence@kobim.az elektron poçt ünvanına müraciət etmək mümkündür. Qurum tərəfindən göstərilən bütün xidmətlər ödənişsizdir.
