Gəncədə kommunal sahə üzrə layihə həyata keçirilir.
Gencexeber.az İri Şəhərlərin Birləşmiş Su Təchizatı Xidmətinə istinadən məlumat verir ki, şəhərdə su təchizatı və kanalizasiya sistemi yenidən qurulur. Belə ki, əksər küçə və prospektlərdə köhnə su boruları yeniləri ilə əvəzlənir. Su təchizatı ilə paralel olaraq kanalizasiya sistemi üzrə də bu işlər həyata keçirilir.
Gəncə şəhər Sukanal İdarəsinin rəisi Şöhrəddin Verdiyev bildirib ki, şəhərdə 2024-cü il ərzində 12 000 metr içməli su, 10 000 metr kanalizasiya xətti çəkilib. Həmçinin 1 500 ədəd su sayğacının quraşdırılması nəzərdə tutulub. Hazırda işlər yekunlaşmaq üzrədir. 47 faiz su xətti, 44 faiz isə kanalizasiya xətti çəkilib. Gəncə şəhərinin 71 500 abonentinin 40 000-i dayanıqlı içməli su ilə təmin olunur.
Həmçinin Mirzə Abbas Abbaszadə, Həsən Əliyev, Fərhad Əliyev, Bakı Fəhləsi, Hacı Zeynalabdin Tağıyev, Müseyib Bağırov küçələrində, Yeni Gəncə qəsəbəsində, 38-ci Hərbi şəhərcikdə sıradan çıxmış müxtəlif su boruları polietilen borularla əvəzlənib.
