Gəncə şəhərində Nizami Gəncəvinin xatirəsinə həsr olunmuş "Nizami günləri" layihəsi çərçivəsində "Qiraət axşamı" keçirilib.
Gencexeber.az Gəncə - Daşkəsən Regional Mədəniyyət İdarəsinə istinadən məlumat verir ki, tədbirdə Gəncə Dövlət Kukla Teatrının aktyorlarının Nizami Gəncəvinin “Yeddi gözəl” poemasından hazırladıqları “Xeyir və Şər” tamaşası, Gəncə Dövlət Milli Dram Teatrının yaradıcı heyətinin “Sələflər və Xələflər” kompozisiyası, “Leyli və Məcnun” operasından Leyli və Məcnunun səhrada görüş səhnəsi təqdim edilib. Bədii qiraətçilər Nizami Gəncəvinin “Sənsiz”, “Sevgili Canan”, “Yenə tövbə evimi eşq xərab etmədədir” və başqa qəzəlləri səsləndiriliblər.
Həmçinin Gəncə şəhər 31 nömrəli tam orta məktəbin ibtidai sinif şagirdlərinin Nizami Gəncəvinin şeirlərindən ibarət kompozisiyaları təqdim edilib.
Qeyd edək ki, "Qiraət axşamı"nın quruluşçu rejissoru Əməkdar incəsənət xadimi Hafiz Quliyevdir.
