Gəncədə piyadanın tanışı onu maşınla vurub. Bu haqda məlumatı Gencexeber.az APA-ya istinadən verir.
41 yaşlı Kərəm Alışanovu yolu keçərkən maşın vurub. Hadisə şəhərin Cavadxan qəsəbəsində qeydə alınıb.
İlkin məlumata görə, Alışanov içki məclisində olarkən tanışları ilə dava edib. Daha sonra o, hadisə yerindən qaçıb. Mübahisəsi yaranan şəxslərdən biri Alışanovu izləyib və yolu keçmək istəyən zaman onu maşınla vurub.
Faktla bağlı araşdırma aparılır.
