Gəncədə beynəlxalq konfrans baş tutub.
Gencexeber.az Azərbaycan Milli Elmlər Akademiyasi Gəncə Bölməsinə istinadən məlumat verir ki, tədbir “Türk Dünyasının Azərbaycan-Özbəkistan modeli" mövzusunda keçirilib.
Konfrans çərçivəsində AMEA-nın Gəncə bölməsində Əlişir Nəvai adına Özbək dili və Mədəniyyəti Mərkəzi açılıb. Burada Azərbaycan və Özbəkistan xalqlarının qardaşlıq əlaqələrini əks etdirən guşələr, eksponatlar, Nizami Gəncəvi və Əlişir Nəvai yaradıcılığına aid nəşrlər təqdim edilib.
Konfrans iştirakçıları həmçinin Gəncə şəhərinin tarixi abidələri ilə də tanış olublar.
Qeyd edək ki, tədbir şəhər İcra Hakimiyyəti, Azərbaycan Milli Elmlər Akademiyası, Nizami Gəncəvi adına Ədəbiyyat İnstitutu, Əlişir Nəvai adına Daşkənd Dövlət Özbək dili və Ədəbiyyatı Universiteti tərəfindən təşkil edilib.
