Fikrət Əmirov adına Gəncə Dövlət Filarmoniyasında tədbir baş tutacaq.
Filarmoniyanın məlumatına əsasən, Azərbaycan Dövlət Akademik Opera və Balet Teatrının birgə təşkilatçılığı ilə klassik musiqi gecəsi keçiriləcək.
"Bakıdan Gəncəyə" layihəsi çərçivəsində keçiriləcək konsert proqramı sentyabrın 24-də təşkil olunacaq. Burada Xalq artisti Sevinc İbrahimova, Gəncə Dövlət Filarmoniyasının solistləri Rüstəm Cəfərov, Vasif Bayramov, Elmir Pişnamazzadə, Azərbaycan Dövlət Akademik Opera və Balet Teatrının solistləri Taleh Yahyayev, Günel Hacıyeva, Səma Həmzəyeva dünya və Azərbaycan bəstəkarlarının əsərləri ilə çıxış edəcəklər.
