Gənclər Gəncədəki Şəhidlər xiyabanını ziyarət ediblər. Bu haqda 18 iyul tarixində Gəncə-Daşkəsən Regional Gənclər və İdman İdarəsinə istinadən xəbər veririk.
Yürüş Gəncə-Daşkəsən Regional Gənclər və İdman İdarəsi və Gənclər Evinin birgə təşkilatçılığı ilə baş tutub. "Vətən uğrunda tarix yazanlar!" devizi ilə gənclər əvvəlcə şəhidlərimizin xatirəsini bir dəqiqəlik sükutla yad ediblər. Sonra məzarların önünə qərənfillər düzüblər. Tədbirə 60 nəfərdən çox iştirakçı qatılıb. Onların arasında şəhid ailələrinin üzvləri, Vətən müharibəsi iştirakçıları, Gəncə-Daşkəsən Regional Gənclər və İdman İdarəsinin, Gənclər Evinin əməkdaşları da yer alıblar.
Gəncə-Daşkəsən Regional Gənclər və İdman İdarəsinin rəisi İntiqam Hüseynov və Gəncə Gənclər Evinin direktoru Amil Qurbanovun çıxışından sonra istedadlı yeniyetmələr şeirlər səsləndiriblər.
