Gəncədə kanalizasiya xətti yararsız hala düşüb.
Gencexeber.az məlumat verir ki, bu vəziyyət Müseyib Bağırov küçəsində, "Şans" Tibb Mərkəzinin arxasında müşahidə edilir.
Sakinlərin sözlərinə görə, ərazidəki kanalizasiya xətti təmir olunmalıdır. Aylardır borudan axan çirkab suları küçə boyunca axaraq ətrafa pis qoxu yayır. Bu səbəbdən yolun asfalt örtüyü yararsız vəziyyətə düşüb, üzərində çatlar əmələ gəlib.
Həmçinin lükün qapağı yoxdur. Axşam saatlarında zəif işıqlandırma səbəbindən avtomobillər dəfələrlə lükə düşüb və nəqliyyat vasitələrinə ziyan dəyib.
