Gəncədə inkluziv uşaq bağçası fəaliyyət göstərir.
"Regional İnkişaf üzrə maarifləndirmə" İctimai Birliyi Avropa İttifaqının maliyyə dəstəyi və UNICEF-lə əməkdaşlıq edərək "İnteqrasiya olunmuş sosial xidmətlər modeli" pilot lahiyəsi çərçivəsində "Gəncə şəhərində və Ağcəbədi rayonunda icma əsaslı məktəbəqədər təlim mərkəzlərinin yaradılması" lahiyəsini həyata keçirir.
Gəncədə Kəlbəcər rayonundan olan məcburi köçkünlərin məskunlaşdığı ərazidə təlim mərkəzi təşkil olunmuşdur. Mərkəzdə sosial baxımdan həssas əhali qrupuna aid ailələrdən olan və fiziki məhdudiyyətləri olan 3-5 yaş aralığında uşaqlar həftədə 3 dəfə olmaqla saat 9:00-dan 17:00 kimi məktəbəqədər təhsil alırlar.
Qeydiyyatdan keçmək istəyənlər həftə içi 5 gün uşağın 2 ədəd 3x4 fotoşəklini, valideyinlərin şəxsiyyət vəsiqələrinin surətini, uşağın şəxsiyyət vəsiqəsinin yaxud doğum haqda şəhadətnaməsinin surətini və uşağın sağlamlığı haqda arayışı gətirərək mərkəzə yaxınlaşa bilərlər.
Ünvan: Atatürk prospekti 553 (1 nömrəli məktəbin yanı).
Qeyd edək ki, layihə 2020-ci ilin sentyabr ayında başlayıb və 2022-ci ilin dekabr ayına qədər davam edəcək.
[caption id="attachment_1777" align="alignnone" width="300"]
Foto Gencexeber.az[/caption]
[caption id="attachment_1776" align="alignnone" width="300"]
Foto Gencexeber.az[/caption]
[caption id="attachment_1775" align="alignnone" width="300"]
Foto Gencexeber.az[/caption]
