Fövqəladə Hallar Nazirliyinin (FHN) Gəncə Regional Mərkəzi tərəfindən praktiki gecə təlimi keçirilib.
Gencexeber.az FHN-ə istinadən məlumat verir ki, tədbir “Yol-nəqliyyat hadisələri zamanı zərərçəkmişlərin xilas edilməsi” mövzusunda olub. Burada məqsəd xilasetmə işlərinin təşkili və aparılması qaydaları, qəzaya uğramış avtomobildə zərərçəkmişlərin təxliyə edilməsi üzrə şəxsi heyətin bilik və bacarıqlarının artırılması, həmçinin xilasetmə zamanı effektiv idarəetmə vərdişlərinin təkmilləşdirilməsi olub.
Təlim zamanı xilasedicilər xüsusi vasitələrlə şərti zərərçəkmişləri “qəza etmiş” avtomobildən təxliyə edərək onlara “təxirəsalınmaz ilkin yardım göstəriblər”. Sonda əldə edilmiş nəticələr təhlil olunub, müvafiq tapşırıqlar verilib.
