Gəncə sakinləri həyətlərindəki şəraitsizlikdən narazıdırlar. Bu haqda 20 iyul tarixində ATV-yə istinadən xəbər veririk.
Şəhərin Atatürk prospektində yerləşən 7, 8 və 2A saylı binaların sakinləri həyətlərində abadlıq işlərinin aparılmamasından, uşaqların əylənməsi və yaşlıların dincəlməsi üçün şəraitin olmamasından şikayət ediblər.
“Binalarımızın qarşısında asfalt örtüyü yoxdur. Bir-iki dənə oturacaq var, onu da öz vəsaitimizlə alıb yerləşdirmişik. Gecələr burada qaranlıq olur, ərazi işıqlandırılmır. Uşaqlarımızın asudə vaxtlarını keçirməsi üçün meydançaların qurulmasını və məhəlləmizin abadlaşdırılmasını istəyirik. ”, - deyə sakinlər qeyd ediblər.
Məsələ ilə bağlı İcra Hakimiyyəti bildirib ki, “Abad məhəllə” layihəsi icra olunur. Şəhərin bir çox binalarının həyətlərinin abadlaşması nəzərdə tutulub. Bu ərazidə analoji işlərin gələn il aparılması planlaşdırılır.
