Gəncədə qazın verilişində yaranan problemlə bağlı məlumat vermişdik. Gencexeber.az xəbər verir ki, problemi işıqlandırdıqdan dərhal sonra Azəriqaz İstehsalat Birliyinin Gəncə Regional Qaz İstismar İdarəsinin əməkdaşları əraziyə baxış keçiriblər.
Qurum tərəfindən bildirilib ki, bina 40 A-nı qidalandıran ŞQT-300 qaz tənzimləyici şkafın implus xətlərində nasazlıq aşkar edilib. Bu səbəbdən gecə saatlarında qazın təzyiqində problemlər meydana gəlib. Həmin qaz tənzimləyici şkaf təmir edilib.
Bina sakinləri faktı təsdiqləyiblər. Onların sözlərinə görə, həmin gün qaz təchizatında olan çətinlik operativ şəkildə həll olunub.
Qeyd edək ki, Gəncənin Abuzər bəy Rzayev küçəsi (köhnə Tereşkova küçəsi), bina 40A-ın sakinləri 6 aya yaxın müddət ərzində hər gün gecə yarısından başlayaraq qaz təchizatında yaran problemlə bağlı redaksiyamıza müraciət etmişdilər.
