Gəncədə 18 Oktyabr – Müstəqilliyin Bərpası Günü münasibətilə ümummilli lider Heydər Əliyevin abidəsi ziyarət olunub. Bu haqda Gencexeber.az 18 oktyabr tarixində Azertag.az-a istinadən xəbər verir.
Tədbirdə Gəncə Şəhər İcra Hakimiyyətinin başçısı Niyazi Bayramov, Türkiyənin Gəncədəki Baş konsulu Zeki Öztürk, Kəpəz və Nizami rayon icra hakimiyyətlərinin başçıları, idarə, müəssisə, təşkilat və hüquq-mühafizə orqanları rəhbərləri, ictimaiyyət nümayəndələri abidənin önünə gül dəstələri düzüblər.
Qeyd edək ki, mayın 28-i Müstəqillik Günü, oktyabrın 18-i isə Müstəqilliyin Bərpası Günü elan olunub.
