Gəncəçayın şəhər ərazisindən keçən hissəisinin məcrası boyu və əsasən də körpülərin ətraf ərazilərində təmizlik işləri görülüb.
Gencexeber.az MKTİB-yə istinadən xəbər verir ki, qurumun Ərazi Xidmət Sahələrinin əməkdaşları tərəfindən çayın məcrası sel sularının gətirdiyi və kənardan atılan məişət tullantılarından, ağac qırıntılarından, kol-kos və alaq otlarından təmizlənib. Yığılan tullantıların ərazidən daşınması təmin edilib. Gəncəçayı boyu mövcud zibil qutuları boşaldılıb, ətrafında səliqə-səhman yaradılıb.
MKTİB növbəti dəfə şəhər əhalisindən və xüsusən də çay kənarı obyekt sahiblərindən xahiş edir ki, məişət və digər tullantılarını çayın ərazisinə atmasınlar, bunun üçün təyin olunmuş konteynerlər çay boyu yerləşdirilib.
