Gəncəçayın məcrası boyu və çayın üzərində mövcud olan körpülərin ətrafında təmizlik aksiyası keçirilib. Bu haqda 23 iyul tarixində MKTİB-yə istinadən xəbər veririk.
İşlər MKTİB-nin Ərazi Xidmət Sahələrinin əməkdaşları tərəfindən görülüb. İməcilikdə sel sularının gətirdiyi və məsuliyyətsiz vətəndaşlar tərəfindən kənardan çayın hövzəsinə atılan məişət tullantıları, ağac qırıntıları, kol-kos və alaq otlarının bir yerə yığılaraq ərazidən daşınması təmin edilib. Aksiya çərçivəsində Gəncəçayın sağ və sol sahilində mövcud zibil qutuları boşaldılıb, ətrafında səliqə-sahman yaradılıb.
MKTİB növbəti dəfə şəhər əhalisindən və xüsusən də çay kənarındakı obyekt sahiblərindən xahiş edir ki, məişət və digər tullantılarını çayın ərazisinə atmasınlar, bunun üçün təyin olunmuş konteynerlər Gəncəçay boyu yerləşdirilib.
