Gəncənin basketbol təmsilçisi növbəti transfer həyata keçirib.
Gencexeber.az “Gəncə” BK-ya istinadən məlumat verir ki, komandanın heyəti Azər Əzimovla gücləndirilib. Basketbolçu ilə 1 illik anlaşma imzalanıb.
195 sm boya malik 20 yaşlı basketbolçu müdafiəçi mövqeyində çıxış edir. Azər Əzimov Gəncə təmsilçisində 7 nömrəli formanı geyinəcək.
Qeyd edək ki, o, ötən mövsümü "Sərhədçi"də keçirib. Basketbolçu həmçinin Azərbaycanın U-20 yığmasına da dəvət alıb.
