Gəncə və Yevlax şəhərlərində təmizlik aksiyaları baş tutub.
Gencexeber.az Gəncə şəhər Mənzil Kommunal Təsərrüfatı İstehsalat Birliyinə istinadən məlumat verir ki, qurumun əməkdaşları Nizami Gəncəvi prospektində yerləşən "köhnə passaj" kimi tanınan ərazidə iməcilik keçiriblər. Həmin yer təmir və məişət tullantılarından, eləcə də yabanı bitən kol-kosdan və alaq otlarından təmizlənib.
Oxşar işlər Yevlax şəhərində “Yaşıl dünya naminə həmrəylik ili” çərçivəsində görülüb. Yevlax şəhər Mənzil Kommunal Təsərrüfatı İstehsalat Birliyinin məlumatına əsasən, Nizami prospektində yol kənarındakı hasarlar rənglənib, bordürlər təmir edilib. Sözgüdən ərazi ilə yanaşı F.İsayev, H.B.Zərdabi, M.Ş.Vazeh küçələrində də iməcilik baş tutub.
