Gəncədə iməcilik keçirilib. Bu haqda 8 iyul tarixində MKTİB-yə istinadən məlumat veririk.
Təmizlik aksiyası Gəncəçayın məcrası boyu aparılıb. Çayda suyun səviyyəsinin aşağı düşməsi orada təmizlik işlərinin aparılmasına imkan verib. İməcilik, əsasən, körpülərin altını və ətraf əraziləri əhatə edib. Həmin yerlərə MKTİB-nin Ərazi Xidmət Sahələrinin əməkdaşları cəlb olunublar.
Sözügedən ərazilərdə məişət tullantıları, ağac qırıntıları, kol-kos və alaq otları yığılaraq daşınıb. Mövcud zibil qutularının ətrafında səliqə-sahman yaradılıb.
