Gəncədə çayın məcrası tullantılarla çirkləndirilib. Bu haqda Gencexeber.az-a 18 iyul tarixində məlumat daxil olub.
Sakinlər Gəncəçaya müxtəlif məişət tullantılarının atılmasından narahat olduqlarını bildirirlər. Son zamanlar Gəncə və ətraf rayonlarda hökm sürən qeyri-sabit hava şəraiti səbəbindən bir müddət öncə çayda suyun səviyyəsi artıb. Sel suları özü ilə çaya və ətrafına tullantılar gətirib. Burada məişət tullantıları ilə yanaşı, qurumuş ağac budaqları da müşahidə olunur.
Nəticədə şəhərin sakinləri və qonaqları üçün xoş olmayan mənzərə yaranıb. Sakinlər bununla bağlı müvafiq tədbirlərin görülməsini arzu edirlər.
“Bu hal tez-tez təkrarlanır. Hər dəfə çayın məcrası təmizlənir, amma yenidən tullantılar atılır. Ətraf mühiti çirkləndirən şəxslər cərimə olunsalar, belə halların sayı azalar”, - deyə onlar bildiriblər.
