Fövqəladə Hallar Nazirliyinin Gəncə Regional Mərkəzi “Narkomaniyanın insan orqanizmində törətdiyi fəsadlar və onun müalicəsi” mövzusunda tədbir keçirib. Bu haqda 20 fevral tarixində FHN-ə istinadən xəbər veririk.
Tədbirin əsas məqsədi şəxsi heyətin “ağ ölüm”ə qarşı mübarizəsi ilə bağlı maarifləndirilməsi olub. Görüş zamanı çıxış edən Daxili İşlər Nazirliyinin Baş Narkotiklərlə Mübarizə İdarəsinin Qərb bölgəsində əməliyyat müvəkkili, polis mayoru Seymur Arıkov narkotik vasitələrin qeyri-qanuni dövriyyəsinə qarşı mübarizədən bəhs edib, Rayonlararası Narkoloji Dispanserin baş həkimi Etibar Xəlilov isə ümumbəşəri bəla olan narkomaniyanın yayılmasının qarşısının alınması istiqamətində gənclərin potensialından istifadənin genişləndirilməsinin vacibliyini vurğulayıb, onların elmə, idmana olan marağının artırılması, mədəni-asudə vaxtının düzgün təşkil olunmasının əhəmiyyəti haqqında danışıb.
Sonda mövzuya dair videoçarx nümayiş olunub.
