Gəncədə sakinlər yelləncəklərin qanunsuz özəlləşdirilməsindən narazıdırlar. Bu haqda Gencexeber.az-a 17 iyul tarixində məlumat daxil olub.
Sözügedən hal şəhərin Füzuli adına parkında müşahidə olunur. 44 nömrəli tam orta məktəbin qarşısında üç ədəd yelləncək var. Sakinlərin sözlərinə görə, uşaqların əyləncəsi üçün quraşdırılmış qurğu naməlum şəxs tərəfindən zəncirlə əhatə olunub. İstifadə etmək istəyənlərdən 5 dəqiqəsi üçün 20 qəpik tələb edilir. Bu hal sakinlərin narazılığına səbəb olur.
“Bura dövlətin saldığı parkdır. Bir nəfər gəlib yelləncəkləri özəlləşdirib. Deyir ki, müqavilə ilə işlədir. Axşam da zənciri bağlayıb gedirlər. İcra Hakimiyyətinə müraciət etmişik, lakin məsələ həllini tapmayıb”, - deyə sakinlər bildirirlər.
