Gəncədə binanın qəzalı damı sakinlərə ziyan vurub. Bu barədə Gencexeber.az-a 13 avqust tarixində məlumat daxil olub.
Martın 28-də Heydər Əliyev prospektində, 32 saylı məktəblə üzbəüz yerləşən 3 saylı yaşayış binasının damında yanğın baş vermişdir. Sakinlər artıq 5 aydır ki, evlərini su basması problemi ilə üzləşirlər. Yağışlar nəticəsində su mənzillərə, blok girişlərinə və pilləkənlərə sızaraq sakinlərə xeyli maddi ziyan vurur.
Vətəndaşların sözlərinə görə, onlar dəfələrlə şəhərin icra hakimiyyətinə müraciət ediblər. Cavab olaraq deyilmişdir ki, təmir-bərpa işləri avqustun 10-dək başa çatdırılacaq. Lakin təyin olunan tarixdən bir həftə keçməsinə baxmayaraq, problem həllini tapmayıb.
Evdə yaşayanlar müvəqqəti olaraq dam örtüyünə yamaq vurmağa çalışsalar da, göstərilən səylər kifayət etməyib.
