Gəncə Dövlət Filarmoniyasının estrada ansamblının müşayiəti ilə Bakı şəhərində konsert keçiriləcək. Bu haqda 25 iyul tarixində iTicket.az-a istinadən xəbər veririk.
Xalq artisti Emin Sabitoğlunun mahnılarından ibarət konsert proqramı təqdim olunacaq. Tədbir Şəhriyar Adına Mədəniyyət Mərkəzində baş tutacaq. Burada Əməkdar mədəniyyət işçisi Mehbarə Cəfərova, Səbinə Ərəbli, Zabitə Alıyeva, Əli Məmmədov, Samir Nuriyev, Rövşən Məmmədov, İlkin Fuad və başqaları çıxış edəcəklər.
Konsert proqramı 25 oktyabr tarixində saat 19:00-da başlayacaq. Biletləri iticket.az saytından əldə etmək mümkündür. Qiymətlər 10-30 manat aralığındadır.
