Gəncə şəhər 2 nömrəli Uşaq-Gənclər İdman-Şahmat Məktəbində turnir keçirilib. Bu haqda 24 iyun tarixində Gəncə Şahmat Məktəbinə istinadən xəbər veririk.
Turnir şahmat üzrə Əməkdar məşqçi,Gəncə şəhərində şahmatın inkişafında xüsusi xidmətləri olan,100-lərlə şəhər və respublika səviyyəli, bir neçə beynəlxalq səviyyəli şahmatçılar yetişdirən,Respublikada şahmat ictimaiyyətinin yaxın dostu olmuş Əşrəf Mehtiyevin xatirəsinə həsr edilib.
Əşrəf müəllimin əziz xatirəsi bir dəqiqəlik sükutla yad edilib. Daha sonra həyat və yaradıcılığı barədə yarış iştirakçılarına ətraflı məlumat verilib. A,B,C,D və E qrupları üzrə 39-u qız olmaqla 174 yeniyetmə İsveçrə sistemi ilə 9 turda mükafatlar uğrunda mübarizə aparıb. Hər qrup üzrə ilk 3 yeri tutmuş oğlanlar və qızlar müvafiq dərəcəli diplomlarla təltif ediliblər.
