Azərbaycanda növbədənkənar parlament seçkiləri baş tutacaq. Bu barədə məlumatı avqustun 14-ü Modern.az-a istinadən veririk.
Sentyabrın 1-də keçiriləcək parlament seçkilərində deputatlığa iddialılar arasında təkcə tanınmış siyasətçiləri deyil, həm də fəhlə, xadimə, montyor, gözətçi, çilingər, kuryer və s. kimi əmək sektorunun nümayəndələri yer alırlar.
Gəncədən olan sözügedən peşə sahibləri də Milli Məclisdə vətəndaşların hüquqlarını qorumaq üçün seçkilərə qatılacaqlar. Onlardan biri 39 saylı Gəncə ikinci seçki dairəsi üzrə 29 saylı orta məktəbin təmizlik işçisi Səfa Orucova, digəri isə qaynaqçı Taleh Məmmədovdur.
Qeyd edək ki, respublika üzrə növbədənkənar seçkilərdə iştirak üçün 1052 nəfərin deputatlığa namizədliyi qeydə alınıb. Onlar 125 seçki dairəsində mübarizə aparacaqlar.
