Gəncədə “Problem yoxdur" adlı ekran işi göstərilib.
Gencexeber.az məlumat verir ki, rejissor Elçin Ağazadənin inklüziv cəmiyyətin inkişafına töhfə vermək məqsədilə çəkdiyi film nümayiş olunub.
Burada əlilliyi olan şəxs Alik Cəfərovun həyat hekayəsindən bəhs edilir. Film növbəti dəfə Fərəh SİB-in təşkilatçılığı ilə “Ganja Mall CineMastercard” kinoteatrında təqdim olunub.
Pedaqoq Aygün Qasımova və "Azərbaycan Əlil Velosipedçilərə Dəstək" İctimai Birliyinin sədri Amid Həsənquliyevin aparıcılığı ilə olan təqdimat mərasimində ekran əsərinin özəlliyindən söhbət açılıb. Tədbirdə filmin inklüziv cəmiyyətin inkişafı üçün böyük əhəmiyyət daşıdığı bildirilib. Qeyd edilib ki, Elçin Ağazadənin indiyə kimi fiziki məhdudiyyəti olan istedadlılara aid çəkdiyi sosial çarxlar, autizmli uşaqlara həsr etdiyi və Amerikanın Florida ştatında "Ən yaxşı sosial film" nominasiyası üzrə qalib olmuş “Uğur böcəyi” sosial filmi, şəhidlər və qazilər üçün çəkdiyi sənədli filmlər, şəhid övladlarından ibarət “Zəfər sədası” klipi, milli dəyərlərlə yanaşı “Cənnət ətri” və “Başqa həyat” kimi mənəvi dəyərləri də aşılayan sənədli filmləri olduqca təqdirəlayiqdir.
Filmin nümayişindən sonra rejissor ekran əsərinin yaranmasından və bu işdə əməyi keçən digər insanlardan danışıb. Həmçinin, filmin qəhrəmanı Alik Cəfərov və anası çıxış ediblər.
[modula id="63387"]
