Gəncədə təhsil sektorunda çalışanlar üçün təlim təşkil olunub. Bu haqda 13 iyul tarixində Regional Təhsil İdarəsinə istinadən məlumat veririk.
"Elektron sənəd dövriyyəsi sisteminin təşkili" mövzusunda təlim 4 nömrəli xarici dil təmayüllü məktəb-liseydə baş tutub. Burada Elm və Təhsil Nazirliyinin (ETN) İnformasiya və vətəndaşlara xidmət şöbəsinin əməkdaşları Elməddin Cəfərov və Təbriz Nəsibov tərəfindən Gəncə-Daşkəsən Regional Təhsil İdarəsinin sektor müdirləri və əməkdaşları üçün təlim keçirilib.
Seminarda Regional Təhsil İdarələrində daxili sənədlərin düzgün formada qeydiyyatı və çıxışı, ETN-dən daxil olan ərizələrə və məktublara düzgün formada cavabların hazırlanması, ETN-dən daxil olan cavablandırılmayan ərizə və məktubların düzgün formada bağlanma prosesi və digər mövzular barədə iştirakçılar məlumatlandırılıb və bu səpkidə bir sıra müzakirələr aparılıb.
