Ali təhsil müəssisələrinə qəbul olmaq üçün ixtisas seçimi davam edir. Bu haqda məlumatı 17 avqust tarixində Dövlət İmtahan Mərkəzinə istinadən məlumat veririk.
Abituriyentlərə kömək etmək məqsədilə yaradılmış “Abituriyent Məsləhət Mərkəzi” həftəsonu – 17 və 18 avqust tarixlərində fəaliyyət göstərəcək. Gənclər Azərbaycan Dövlət Aqrar Universitetinin Aqronomluq və Zoomühəndislik tədris binasına gələrək saat 10:00-dan 17:00-dək yardımdan yararlana biləcəklər.
Əlaqə nömrəsi: (022) 266 00 47. Sözügedən proses ödənişsiz əsaslarla təşkil edilir.
Xatırladaq ki, ali təhsil müəssisələrinə qəbul olmaq üçün ixtisas seçimi avqustun 9-dan başlayıb və 19-dək davam edəcək.
