Gəncədə sakinlər avtobus dayanacağının olmamasından şikayətçidirlər. Bu haqda Gencexeber.az-a 3 avqust tarixində məlumat daxil olub.
Bu hal Zülfü Hacıyev küçəsində müşahidə olunur. Sakinlər bildiriblər ki, Samux rayonuna hərəkət edən avtobusların dayandığı məkan dəyişdirilərək yolun digər tərəfinə keçirilib. Sözügedən vəziyyət avtobuslardan istifadə edən sakinlərin narazılığına səbəb olub.
“Həmişə avtobuslar marketin qarşısında dayanırdılar. Bir ay olar dayanacağı yolun qarşı tərəfinə keçiriblər, burada da avtobus dayanacağının pavilyonu olmadığı üçün günün altında dayanıb gözləyirik. Yağışlı havada isə dayanmaq lap çətin olur”, – deyə sərnişinlər qeyd ediblər.
Sakinlər şəhər ərazisindəki avtobus dayanacaqlarında pavilyonların quraşdırılmasını arzu edirlər.
