Daşkəsəndə növbəti təmizlik aksiyası təşkil olunub. Aksiya “Yaşıl dünya naminə həmrəylik ili” çərçivəsində baş tutub.
Gencexber.az Daşkəsən Rayon İcra Hakimiyyətinə istinadən xəbər verir ki, iməcilik Bayraq Meydanında və Bayan kəndində keçirilib. Təmizlik işlərinə Rayon İcra Hakimiyyətinin əməkdaşları, gənc könüllülər və sakinlər qatılıblar.
Zəruri sanitar ləvazimatlarla təchiz olunmuş aksiya iştirakçıları tərəfindən ərazilər plastik və digər məişət tullantılarından təmizlənərək aidiyyəti üzrə təhvil verilib.
